July 17, 2018 at 03:35PM

Vom Chlaus

Han öppis ghöört im Stägehuus,
I chume neime gar nöd druus.
Sisch wienes lisligs Schlaarpe gsii,
Und sones Brummele no derbii.
Jetz tappets luut dur d'Schtäge-n-uuf,
Herrjee, ich chume um de Schnuuf -
Und d'Tüür gaat uuf - wo schpringi hii?
I bi halt kei Brave gsii
De Chlaus, de Chlaus - wie wird's mer gaa?
Er luegt mi gar so gspässig aa -
Hät d'Fitze-nuf und - tätscht mer eis -
Oo - oo - es wird mer süttig-heiss.
Dänn risst er d'Schnuer uf a sim Sack
und schänkt-mer glich es Chrölipack.
O Chlaus, Du bischt en liebe Maa
Wirsch gsee, wie-n-ich jetzt folge chaa.

(Für di Chline, Züridütschi Chlausversli, Wienachtsliedli ... von Mina Stünzi, Verlag: Fritz Frei, Horgen Zürich)