July 17, 2018 at 03:35PM

Im Winter

De Himmel isch tunkel
Es schneielet liis
Im Wald usse, d'Tannli
Sind alli scho wiiss

Mer zelled all Suntig
All Tag und all Schtund
Und möged nid gwarte
Bis s'Chrischtchindli chunt

Es pöpperlet dusse -
Wär isch-es ächt gsii?
I ghööre es Schtimmli:
"I chume-n jetz glii!"

(Für di Chline, Züridütschi Chlausversli, Wienachtsliedli ... von Mina Stünzi, Verlag: Fritz Frei, Horgen Zürich)