July 17, 2018 at 03:35PM

Am Wienachts-Abig

Es dunklet scho um eusers Huus
Und s'Müetterli tuet d'Vorhäng für
und seit: Sind schtill, sind müslischtill!
S'Chrischtchindli schtaht glaub vor der Tüür.

Es glögglet fiin, - und d'Tüür gaat uf
und eurers Schtübli wird voll Glanz!
I mein, i heig no nüt so gsee
S'Grossmüetterli blendets ganz.

En Wienachtsbaum gsesch uf em Tisch
und schöni Päckli, chridewiiss
mit roaserote Bändeli drum.
O weles säged, isch ächt miis?

Christchind, id dank-der tuusigmal
Du Liebs!! - - Und säg, wo gasch jetz hii?
Gäll seisch-es em liebe Gott,
ich well vo jetz a bräver sii !

(Für di Chline, Züridütschi Chlausversli, Wienachtsliedli ... von Mina Stünzi, Verlag: Fritz Frei, Horgen Zürich)