July 17, 2018 at 03:35PM

De Chlaus

Am Waldrand staat es Hüsli
De Schnee lyt ufem Dach.
Äs Liechtli brännt am Feischter
Sind ächt daa d'Chind na wach?

Wer chunt deet us de Tanne
Im Mantel wyt und warm?
Gross Häntsche a de Füschte -
Ä Fitze und'rem Arm.

Und uf äm Chopf d'Kaputze,
Än Sack an Rugge ghänkt.
Es ich dä Chlaus - ir Chinde,
I has doch ämel dänkt.

Jetz wänn doch nu ä jedes
En-ordlis Versli weiss!
Gäll Hans, du häsch nid gfolget?
Dir wärded d'Bagge heiss.

(Für di Chline, Züridütschi Chlausversli, Wienachtsliedli ... von Mina Stünzi, Verlag: Fritz Frei, Horgen Zürich)